ताश्कंद : उझबेकिस्तानमध्ये बाजार आणि सुपरमार्केटमध्ये साखरेसाठी लागणाऱ्या लांबलचक रांगांमुळे लोकांमध्ये संताप आणि निराशेची भावना आहे. प्रसारमाध्यमातील वृत्तानुसार, ब्राझिलमधून उझ्बेक शुगर रिफायनरींना साखरेच्या वाहतूक आणि वितरणात अडचणी निर्माण झाल्यामुळे उझबेकिस्तानमध्ये साखरेच्या किमती वाढल्या आहेत. काही खरेदीदार पुनर्विक्रीसाठी मोठा प्रमाणात साखर खरेदी करून परिस्थितीचा फायदा घेऊ पाहात आहेत. जूनच्या सुरुवातीला उझबेकिस्तानमधील लोकांकडून हिवाळ्याची तयारी म्हणून जॅम तयार करण्यासाठी पुरेशा प्रमाणात साखर खरेदी केली जाते. उन्हाळ्याच्या सुरुवातीला जॅमसाठी आवश्यक फळे पक्व होतात. स्थानिक स्तरावर साखर उत्पादन एंग्रेन आणि खोरेजम शुगर रिफायनरीत केले जाते.
अधिकाऱ्यांनी दिलेल्या माहितीनुसार, उपलब्ध साखर साठा साखरेची मागणी पुर्ण करण्यासाठी पुरेसा आहे. मात्र, कतारमध्ये काही लोकांनी गोंधळ माजवला आहे. सरासरी १० टन साखरेपेक्षा अधिक साखर दर आठवड्याला चोरसूच्या बाजारात विक्री केली जाते. गेल्या वर्षी सुरुवातीला साखरेचा दर UZS 7,800 ($0.71) होता, तर या वर्षी UZS 8,200 ($0.74) असा दर राहिला. नंतर साखरेची किंमत UZS 8,900 ($0.81) होती. आता ही किंमत वाढून UZS 13,000($1.18) झाली आहे. उझबेकिस्तानमध्ये ब्राझीलमधून कच्चा माल आणला जातो. जहाज आणि रेल्वे वाहतुकीमधील वाढीमुळे साखरेच्या दरात ८-१० टक्क्यांची वाढ झाली आहे. उन्हाळ्यात साखरेच्या दरात वाढ केली जाते. त्यामुळे देशांतर्गत बाजारपेठेत साखरेच्या किमती वाढत आहेत.
