कोल्हापूर : उसाचा योग्य आणि लाभदायी दराबाबत (एफआरपी) निर्णय घेण्यासाठी १९ ऑक्टोबर रोजी २० व्या ऊस परिषदेचे आयोजन करण्यात आले आहे. स्वाभिमानी शेतकरी संघटनेने याची घोषणा केली. एका पत्रकार परिषदेत बोलताना संघटनेचे राष्ट्रीय अध्यक्ष, माजी खासदार राजू शेट्टी यांनी सांगितले की, जयसिंगपूर शहरातील विक्रमसिंह मैदानात ऊस परिषदेचे आयोजन केले जाईल.दरम्यान, उसाची एफआरपी एकाच हप्त्यात मिळाली पाहिजे, अन्यथा आंदोलन केले जाईल असा इशारा त्यांनी दिला.
माजी खासदार शेट्टी म्हणाले, पुढील महिन्यापासून सुरू होणाऱ्या गाळप हंगामात आधीच एफआरपी निश्चित करण्यासाठी या परिषदेचे आयोजन केले आहे. ऊस उत्पादकांना कोरोनासह विविध अडचणींचा सामना करावा लागला आहे. महापुराचाही यात समावेश आहे. नीती आयोगाने आणि कृषी मूल्य आयोगाने सुचविल्यानुसार एफआरपी तीन टप्प्यात नव्हे तर एकाच हप्त्यात मिळाली पाहिजे. जर एफआरपीचे तुकडे पाडले तर आंदोलन केले जाईल असा इशारा माजी खासदार शेट्टी यांनी दिला आहे.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link
