અઢી કરોડ છુટક-જથ્થાબંધ વેપારીઓને MSMEનો દરજ્જો; કેન્દ્ર સરકારનો ઐતિહાસિક નિર્ણય

24

નવી દિલ્હી: કેન્દ્ર સરકારે માઇક્રો, સ્મોલ અને મીડિયમ એન્ટરપ્રાઇઝ (MSME) ની વ્યાખ્યા બદલી નાંખી છે. એમએસએમઇ પ્રધાન નીતિન ગડકરીએ કહ્યું કે સરકાર હવે છૂટક અને જથ્થાબંધ વેપારીઓને એમએસએમઇનો દરજ્જો આપશે. આ નિર્ણયથી દેશના અ 2.5 કરોડ રિટેલ અને જથ્થાબંધ વેપારીઓને ફાયદો થશે. તેમને આ ક્ષેત્રને મળવાપાત્ર દરેક લાભ મળશે.

ખુદ વડા પ્રધાન નરેન્દ્ર મોદીએ પણ ટ્વીટ કર્યું છે
“અમારી સરકારે રિટેલ અને જથ્થાબંધ વેપારને એમએસએમઇ તરીકે સમાવવા ઐતિહાસિક પગલું ભર્યું છે. આ આપણા કરોડો વેપારીઓને આર્થિક સહિતના વિવિધ લાભ મેળવવામાં મદદ કરશે. તેમના વ્યવસાયમાં પણ વેગ મળશે.”

ગડકરીએ પણ ટ્વીટ કર્યું
એમએસએમઇ પ્રધાન નીતિન ગડકરીએ ટ્વીટ કરીને આ નિર્ણયની પ્રશંસા કરી હતી. તેમણે કહ્યું, “વડા પ્રધાન નરેન્દ્ર મોદીના નેતૃત્વ હેઠળ, અમે એમએસએમઇને મજબૂત બનાવવા અને તેમને આર્થિક વિકાસ માટે એન્જિન બનાવવા માટે પ્રતિબદ્ધ છીએ. સુધારેલી માર્ગદર્શિકાથી 2.5 કરોડ રિટેલ અને જથ્થાબંધ વેપારીઓને ફાયદો થશે.”

આ પગલાંનો અર્થ શું છે?
સરકારના આ પગલાથી 250 કરોડ રૂપિયાના ટર્નઓવર વાળા નાના રિટેલરો અને જથ્થાબંધ વેપારીઓને તાત્કાલિક લાભ મળશે. છૂટક અને વેપાર સંગઠનોએ આ પગલાંને આવકારતા કહ્યું કે, તેનાથી વેપારીઓને જરૂરી મૂડી મેળવવામાં મદદ મળશે. એટલે કે, છેલ્લા એક વર્ષમાં એમએસએમઇ ક્ષેત્ર માટે જાહેર કરાયેલા લાભો છૂટક અને જથ્થાબંધ વેપારીઓને પણ ઉપલબ્ધ થશે.

પહેલાં શું નિયમ હતો?
અગાઉ છૂટક અને જથ્થાબંધ વેપારને એમએસએમઇ તરીકે વહેંચવામાં આવતા હતા. જો કે, આવી પ્રવૃત્તિઓ 2017 માં માઇક્રો અને લઘુ ઉદ્યોગો ક્ષેત્ર માંથી દૂર કરવામાં આવી હતી. આનો તર્ક એ હતો કે તેઓ ન તો મેન્યુફેક્ચરિંગ યુનિટ છે કે ન સર્વિસ યુનિટ. આનાથી તેમને એમએસએમઇ નોંધણી થતું અટકાવવામાં આવ્યું હતું. પરંતુ સુધારેલી માર્ગદર્શિકા સાથે, હવે છૂટક અને જથ્થાબંધ વેપારીઓને એન્ટરપ્રાઇઝ નોંધણી પોર્ટલ પર નોંધણી કરવાની મંજૂરી આપવામાં આવશે.

LEAVE A REPLY

Please enter your comment!
Please enter your name here