नवी दिल्ली : चीनी मंडी
कोरोना वायरस ला नियंत्रीत करण्यासाठी राष्ट्रव्यापी लॉकडाउन नंतर साखरेच्या विक्रीत झालेल्या घसरणीमुळे साखर उद्योगावर संकट आले आहे. यामुळे साखर कारखानेही ऊस शेतकर्‍यांना थकबाकी देण्यात अपयशी ठरले आहेत. ऊस थकबाकी 18,000 करोड पर्यंत पोहोचली आहे.
इस्मा चे महाव्यवस्थापक अविनाश वर्मा यांनी सांगितले की, साखर आवश्यक वस्तूच्या श्रेणीमध्ये येत आहे, यासाठी साखर उद्योगावर कोणताही मोठा परिणाम नाही झाला, पण मोठ्या खरेदीदारांच्या कमी मागणीमुळे साखरेच्या विक्रीत घट झाली आहे. इस्मा च्या अहवालानुसार, मार्च आणि एप्रिलमध्ये साखरेच्या विक्रीमध्ये 10 लाख टन इतकी घट आली आहे. साखरेची कमी मागणी आणि रोख संकटामुळे समस्या वाढली आहे.
देशामध्ये लॉकडाउन मुळे हॉटेल आणि रेस्टॉरन्ट सह सर्व खाद्य दुकाने बंद आहेत. अशा स्थितीमध्ये कन्फेक्शनर, बेकरी निर्माते आणि कोल्ड्रिंक्स कंपन्यांसारखे साखरेचे मोठे खरेदीदार साखर खरेदी करत नाही आहेत. कमी मागणीमुळे रोख आवकही कमी झाली आहे. तर देशातील काही क्षेत्रांमध्ये, विशेषत: उत्तर भारतात, साखर कारखाने सुरु आहेत. त्यांना रोखीची आवश्यकता आहे, कारण ते शेतकर्‍यांना ऊसाचे पैसे देण्यात असमर्थ आहेत. साखर विक्रीतील कमीमुळे तरलतेची समस्या निर्माण झाली होती. त्याच वेळी, दूसरी समस्या पेट्रोलच्या मागणी कमी झाल्यामुळे होती. कारण ओएमसी ने इथेनॉल ची खरेदी कमी करणे सुरु केले होते.
देशभरात साखर कारखान्यांनी 1 ऑक्टोबर 2019 पासून 30 एप्रिल 2020 दरम्यान 258.01 लाख टन साखरेचे उत्पादन केले आहे. हे गेल्या वर्षीच्या समान काळामध्ये उत्पादित 321.71 लाख टनापेक्षा 63.70 लाख टन कमी आहे. याचा अर्थ आहे की, आतापर्यंत साखर उत्पादनामध्ये 20 टक्के घट झाली आहे.
हि बातमी ऐकण्यासाठी प्ले बटन दाबा.
