લાહોર: શુક્રવારના રોજ દેશના વિવિધ ભાગોમાં છૂટક બજારમાં ખાંડના ભાવ કિલો દીઠ રૂ. 160 (PKR) સુધીના વિક્રમી સ્તરે પહોંચી ગયા છે.
મીડિયા અહેવાલો અનુસાર, શહેરમાં ખાંડનું વેચાણ વધુ ભાવે થઈ રહ્યું છે, બજારમાં ખાંડની 100 કિલોની થેલી 15,000 થી 15,200 રૂપિયામાં વેચાઈ રહી છે. ખાંડ મિલનો દર 14,200 થી 14,400 રૂપિયા પ્રતિ 100 કિલો છે.
થોડા મહિના પહેલા સરકારે ખાંડના ભાવ રૂ. 98.82 પ્રતિ કિલો નક્કી કર્યા હતા, પરંતુ મામલો કોર્ટમાં હોવાથી તેનો અમલ થઈ શક્યો ન હતો. પંજાબના કેન કમિશનરે શુગર મિલ્સ એસોસિએશનના પ્રતિનિધિઓને પણ ખાંડના દર નક્કી કરવા માટે વાતચીત માટે બોલાવ્યા હતા. જોકે, શુગર મિલોએ કોર્ટ કેસનો ઉકેલ ન આવે ત્યાં સુધી મંત્રણા કરવાનો ઇનકાર કર્યો હતો. મીડિયા રિપોર્ટ્સ અનુસાર, નવી પિલાણ સીઝનથી શેરડીના ટેકાના ભાવમાં વધારો થવાને કારણે ખાંડના ભાવમાં વધારો થયો છે.ગત વર્ષની સરખામણીએ ખાંડ 60 રૂપિયા પ્રતિ કિલો મોંઘી થઈ છે.
