પેટ્રોલ અને ડીઝલના ભાવમાં વધારો યથાવત છે. 2 દિવસ સુધી સતત 80 પૈસાના વધારા બાદ શુક્રવારે (25 માર્ચ) ફરીથી પેટ્રોલ અને ડીઝલના ભાવમાં 80 પૈસાનો વધારો થયો છે. શુક્રવારે સવારે 6 વાગ્યાથી પેટ્રોલ અને ડીઝલની નવી કિંમતો લાગુ થઈ ગઈ છે. ઉલ્લેખનીય છે કે, છેલ્લા 4 દિવસમાં ત્રણ દિવસથી પેટ્રોલ અને ડીઝલના ભાવમાં વધારો કરવામાં આવ્યો છે. નિષ્ણાતોનું માનવું છે કે પેટ્રોલ અને ડીઝલના ભાવમાં અત્યારે વધુ વધારો થશે. પેટ્રોલ અને ડીઝલના ભાવમાં વધારાને કારણે સામાન્ય જનતાને મોંઘવારીનો સામનો કરવો પડી રહ્યો હોવાનું માનવામાં આવે છે કારણ કે ખાવા-પીવાની વસ્તુઓ મોંઘી થઈ શકે છે.
જાણો 4 દિવસમાં પેટ્રોલ અને ડીઝલના ભાવમાં કેટલો વધારો થયો
જાહેર ક્ષેત્રની પેટ્રોલિયમ માર્કેટિંગ કંપનીઓ દ્વારા જારી કરાયેલા ભાવની સૂચના અનુસાર, શુક્રવારે (25 માર્ચ) રાષ્ટ્રીય રાજધાની દિલ્હીમાં પેટ્રોલ 97.81 રૂપિયા પ્રતિ લિટર અને ડીઝલ 89.07 રૂપિયા પ્રતિ લિટરના ભાવે ઉપલબ્ધ છે. તમને જણાવી દઈએ કે છેલ્લા બે દિવસમાં પેટ્રોલ અને ડીઝલના ભાવમાં 1.60 રૂપિયાનો વધારો થયો છે. હવે ત્રીજી વખત 80 પૈસાના વધારા બાદ પેટ્રોલ અને ડીઝલના ભાવમાં પ્રતિ લીટર 2.40 રૂપિયાનો વધારો થશે. નોંધનીય છે કે ગુરુવારે કિંમતોમાં જરા પણ વધારો થયો ન હતો. અગાઉ 22 માર્ચ અને 23 માર્ચે પેટ્રોલ અને ડીઝલના ભાવમાં સતત 80 પૈસાનો વધારો કરવામાં આવ્યો હતો. પેટ્રોલ અને ડીઝલના ભાવ વધવાનું મુખ્ય કારણ ક્રૂડ ઓઈલની કિંમત માનવામાં આવે છે.
