મનીલા: કોકા-કોલા બેવરેજિસે ફિલિપાઈન્સ સરકારના 1.5 લાખ ટન ખાંડની આયાત કરવાના નિર્ણયને આવકાર્યો છે. કોકા-કોલા ફિલિપાઈન્સે એક નિવેદનમાં જણાવ્યું હતું કે, અમે બોટલ્ડ ગ્રેડ અથવા પ્રીમિયમ રિફાઈન્ડ ખાંડની આયાત કરવા માટે ઉદ્યોગના કૉલને સાંભળવા બદલ સરકારના આભારી છીએ. અમે સરકારના આ પ્રયાસોની પ્રશંસા કરીએ છીએ.
અત્રે ઉલ્લેખનીય છે કે કોકા-કોલાએ ખાંડની અછતને કારણે દેશભરમાં તેના કેટલાક પ્લાન્ટ્સ પર અસ્થાયી રૂપે કામગીરી બંધ કરી દીધી છે. ફિલિપાઈન્સ સરકારે 150,000 મેટ્રિક ટન રિફાઈન્ડ ખાંડની આયાત કરવાનો નિર્દેશ જારી કર્યો છે. કોકા-કોલાએ જણાવ્યું હતું કે, “જ્યારે અમારી પાસે બોટલર્સ ગ્રેડ ખાંડનો પૂરતો પુરવઠો હોય ત્યારે અમે અમારી ઉત્પાદન પ્રક્રિયાને સામાન્ય બનાવવા માટે સક્ષમ થવાની અપેક્ષા રાખીએ છીએ.” આ આયાતી ખાંડમાંથી 75,000 મેટ્રિક ટન ખાંડ ઔદ્યોગિક વપરાશકારોને ફાળવવામાં આવશે. અન્ય 75,000 મેટ્રિક ટન ખાંડના ગ્રાહકો માટે હશે.
