फिलीपींस: सरकारच्या निर्यात धोरणाचे साखर उद्योगाकडून स्वागत

81

मनिला: फिलीपींस सरकारने साखरेच्या कमी उत्पादनामुळे अमेरिकेला साखर निर्यात करण्याचा निर्णय रद्द केला आहे. साखर उद्योगाने याचे स्वागत केले आहे.

प्रसारमाध्यमांनी दिलेल्या वृत्तानुसार, साखरेच्या कमी उत्पादनामुळे सरकारने देशांतर्गत बाजाराला प्राधान्य दिले आहे. सरकारने उचललेले हे चांगले पाऊल आहे. साखर नियामक मंडळाने (एसआरए) सन २०२०-२१ या वर्षासाठी शुगर ऑर्डर १-ए या सुधारीत साखर धोरणाला मंजुरी दिली आहे. त्यानुसार यावर्षीच्या ऊस पिकातील साखरेचे उत्पादन शंभर टक्के देशांतर्गत बाजारपेठेलाच पुरवठा केला जाणार आहे. यापूर्वीच्या निर्णयानुसार, देशातील साखरेच्या उत्पादनातील ९३ टक्के साखर देशांतर्गत बाजारात तर उर्वरीत साखर अमेरिकेला निर्यात करण्यात येणार होती.

युनायटेड शुगर्स प्रोड्यूसर्स फेडरेशन ऑफ फिलीपाइन्स इंकचे अध्यक्ष मैन्युअल लामाता यांनी सांगितले की, साखर उत्पादनात घसरण झाल्यामुळे देशांतर्गत बाजारात दरवाढ होण्याची शक्यता होती. त्यामुळे सरकारने अमेरिकेला केली जाणारी साखर निर्यात रद्द केली होती. अमेरिकेला आमच्या कच्ची साखर निर्यातीच्या निर्णयाचे मीही समर्थन करतो. आमचे ग्राहक, नागरिकांची साखरेच्या दरवाढीची तक्रार होती. मात्र, आता सरकारच्या या धोरणामुळे साखरेचे दर काही प्रमाणात नियंत्रणात राहू शकतात असे लामाता म्हणाले.

LEAVE A REPLY

Please enter your comment!
Please enter your name here