मनिला : फिलीपाइन्मध्ये सद्यस्थितीत १३ रिफायनरींपैकी केवळ एकच सुरू आहे. बहुतांश रिफायनरींनी आपले कामकाज बंद केले आहे. याबाबत Sugar Regulatory Administration (SRA) ने सांगितले की, स्थानिक उत्पादनावर विश्वास ठेवून जर आम्ही आयातीला परवानगी दिली नाही, तर ऑगस्टपर्यंत आमच्याकडे पुरेशी साखर असणार नाही.आणि त्यापुढील महिन्यांमध्ये आपल्या गरजांसाठी पुढील काळासाठी साठा शिल्लक नसेल.
साखर कारखान्यांच्या तुलनेत रिफायनरीही उशीराच सुरू होतात. कारण, रिफायनरींना आपल्या रिफायनींगच्या कामकाजासाठी कच्च्या साखरेच्या साठ्याची गरज भासते. देशातील रिफाइंड साखरेची अंदाजे मागणी ९,४३,००० मेट्रिक टन आहे. त्याची सरासरी मासिक मागणी ८३,००० मेट्रिक टन आहे. SRA ने ओडेट वादळामुळे ऊस शेतीचे सुमारे १.५ अब्ज डॉलरचे नुकसान झाल्याचा दावा केला आहे. साखर पुरवठ्यातील कमतरतेमुळे दरवाढीची शक्यता आहे.
