ऊस बिलांसाठी भाकियूची निदर्शने

73

हापुड : भारतीय किसान युनियनने साखर कारखान्याच्या प्रवेशद्वारावर ऊस बिलांच्या मागणीसाठी धरणे आंदोलन केले. नाराज शेतकऱ्यांनी जर लवकर पैसे मिळाले नाहीत, तर १५ जानेवारी रोजी कारखान्याच्या प्रवेशद्वाराला टाळे ठोकण्याचा इशारा दिला आहे.

सिंभावलीमध्ये साखर कारखान्याच्या मुख्य प्रवेशद्वारावर भाकियूचे धरणे आंदोलन केले. जिल्हाध्यक्ष दिनेश खेडा यांनी सांगितले की, नियमानुसार १४ दिवसांत ऊसाची बिले देण्याची गरज आहे. मात्र, एक वर्षानंतरही कारखान्याने ऊस बिले दिलेली नाहीत. शेतकऱ्यांना कर्ज घेऊन घेऊन आपला संसार चालवावा लागत आहे. ऊसात अनेक प्रकारच्या त्रुटी काढून शेतकऱ्यांच्या त्रास दिला जात आहे. दिनेश त्यागी म्हणाले, जर शेतकऱ्यांच्या अडचणींकडे लक्ष दिले गेले नाही, तर १५ जानेवारी रोजी कारखान्याचे मुख्य प्रवेशद्वार बंद केले जाईल. कारखान्याच्या हट्टामुळे शेतकऱ्यांसमोर अडचणी निर्माण झाल्या आहेत असे आरिफ प्रधान म्हणाले. शेतकरी स्वतःच्या कष्टाचे पैसे मागत असल्याचे मन्सूर प्रधान म्हणाले. दरम्यान, धरणे आंदोलनस्थळी आलेल्या ऊस व्यवस्थापक विश्वास कुमार यांनी लवकरात लवकर पैसे दिले जातील असे सांगितले. त्यानंतर आंदोलन मागे घेण्यात आले. यावेळी ममता शर्मा, शालनी, राजेश, हबीब, श्याम सिंह आदी उपस्थित होते.

LEAVE A REPLY

Please enter your comment!
Please enter your name here