देशातील सर्वात मोठी सरकारी बँक, स्टेट बँक ऑफ इंडिया (State Bank Of India) ने ग्राहकांसाठी एक आनंद वार्ता आणली आहे. SBI ने आपल्या कर्जावरील व्याजदरात पुन्हा एकदा कपात केली आहे. टाईम्सने दिलेल्या वृत्तानुसार, MCLR आधारित कर्जांवरील व्याजदर स्टेट बँकेने .10 टक्क्यांनी घटवले आहेत. यामुळे MCLR आधारित एक वर्ष मुदतीच्या कर्जाचा व्याजदर आता 7.9 झाला आहे. दोन व तीन वर्षे मुदतीच्या कर्जांवरील नवे व्याजदर अनुक्रमे 8.10 व 8.20 असतील. नवीन व्याजदर आजपासून लागू होतील. या निर्णयामुळे गृहकर्जदारांना खूप फायदा होणार आहे.
डिसेंबर व जानेवारी या महिन्यांचे पतधोरण जाहीर करताना रिझर्व्ह बँकेने रेपो दर स्थिर ठेवले होते. मात्र यानंतरही स्टेट बँकेने कर्जांवरील व्याजदर कमी करण्याचा निर्णय घेतला आहे. चालू आर्थिक वर्षात या बँकेने केलेली ही आठवी दरकपात आहे. ‘बँकेच्या निधी व्यवस्थापनावरील खर्च घटल्याने तो लाभ ग्राहकांपर्यंत पोहोचवण्यासाठी ही दरकपात केली आहे’, असे स्टेट बँकेने म्हटले आहे.
स्टेट बँकेच्या या व्याजदर कपातीचा लाभ गृहकर्जदारांना होणार आहे. त्यामुळे सध्या सुरू असलेले अन्य बँकेचे गृहकर्ज स्टेट बँकेकडे वर्ग केल्यास गृहकर्जावरील हप्त्यात मोठी बचत होऊ शकेल.
याआधी 10 सप्टेंबरला स्टेट बँकेने गृहकर्जावरील व्याजदरात कपात केली होती. MCLR चे रेट 8.25 टक्के कमी होऊन 8.15 टक्क्यांवर करण्यात आले होते. MCLR मध्ये करण्यात आलेली ही कपात 10 सप्टेंबर पासून लागू करण्यात आली होती. तसेच अन्य बँकांसुद्धा याच मार्गाचा अवलंब करताना दिसून येतील. यामुळे गृहकर्जरां वरील व्याजदर कमी होताना दिसेल .
हि बातमी ऐकण्यासाठी प्ले बटन दाबा.
