लाहोर : सरकारने यावर्षी एप्रिलच्या सुरुवातीला साखरेची किरकोळ किंमत ९८.८२ रुपये प्रती किलो निश्चित केली होती. मात्र, गेल्या तीन महिन्यात स्थिती याच्या उलट आहे. कारण साखर १०० रुपये प्रती किलो या आधीच्या दराच्या तुलनेत १४० रुपये प्रती किलो (पाकिस्तानी चलन/Pakistani currency) दराने मिळत आहे. सरकार दरावर नियंत्रण ठेवण्यास असमर्थ ठरले आहे. महागाईचे ओझे लोकांवर अधिक वाढू लागले आहे. साखर दर नियंत्रण बोर्डाने (एसएबी) निश्चित केलेला दर अन्न सुरक्षा आणि संशोधन मंत्रालयाच्या अंतर्गत येते.
पंजाब आणि सिंध सरकारने ऊस उत्पादक शेतकऱ्यांना अनुदानित निविष्ठांच्या स्वरूपात मदत देण्याऐवजी उसाच्या समर्थन मूल्यात वाढ करण्याचा निर्णय घेतल्यानंतर या दरवाढीची शक्यता अपेक्षित होती. कृषी उत्पादनाचे समर्थन मूल्य (ऊस आणि गहू) वाढवून राजकीय लाभ मिळवण्यासाठी केलेल्या उपायांचा विपरीत परिणाम ग्राहकांवर झाला आहे. समर्थन मूल्य वाढविण्याचा फायदा शेतकऱ्यांना फारसा होत नाही. कारण, ऊस शेतीचे लागवड क्षेत्र घटत आहे. कारण, उत्पादन खर्च वाढत आहे. तर कारखानदारही सरकारच्या आश्वासनानुसार दर देत नाहीत.
रस्त्याकडेला एक कप चहा ४० रुपयांना विक्री केली जात आहे. पराठा ५० रुपये आणि रोटी १५ रुपयांनी विक्री केली जात आहे. आधीच ग्राहकांना या वस्तूंसाठी एकत्रित ५५ ते ९० रुपये मोजावे लागत आहेत. साखरेच्या दरवाढीने बेकरी पदार्थही महागले आहेत.
