नवी दिल्ली : केंद्र सरकारने कारखानदारांना नव्याने २.१४ लाख टन साखर निर्यातीच्या देवाण-घेवाणीस मंजुरी दिली आहे. आणि त्याचे देशांतर्गत कोट्यामध्ये समायोजन केले जाणार आहे. त्यामुळे आतापर्यंत एकूण साखर निर्यात ४.५ लाख टनाहून अधिक झाली आहे. अन्न मंत्रालयाने २८ नोव्हेंबर रोजी १७ साखर कारखान्यांनी मागणी केलेला २.१४ लाख टन कोटा देवाण-घेवाण करण्यास मंजुरी दिली होती. मात्र या कारखान्यांना एकूण २.८८ लाख टनाहून अधिक कोटा मंजूर करण्यात आला होता.
दि हिंदू बिजनेस लाइनमध्ये प्रकाशित वृत्तानुसार, काही कारखाने, ५,००० टनापेक्षा कमी परवानाधारक बहुसंख्य कारखाने एकाचवेळी निर्यात कोटा विक्री करीत आहेत. उच्च मंजुरी असलेले कारखाने कोट्याची हप्त्यांमध्ये देवाण-घेवाण करीत आहेत. सरकारच्या निर्देशानुसार, कोणताही कारखाना जो आपला निर्यात कोटा मागे घेवू इच्छितो, त्यांनी ४ जानेवारीपूर्वी ही प्रक्रिया पूर्ण केली पाहिजे आणि त्यांचा कोटा दर महिन्याला मंजूर केल्या जाणाऱ्या देशांतर्गत साखर विक्रीमध्ये त्या प्रमाणात समायोजित केला जाईल.
