ઈસ્લામાબાદ: બજારમાં નવી ખાંડનું આગમન થતાં જ ખાંડના ભાવ પ્રતિ કિલોગ્રામમાં આશરે 20-23 રૂપિયા સુધીનો ઘટાડો જોવા મળ્યો છે. ખુલ્લા બજારમાં સરેરાશ પ્રતિ કિલોગ્રામ ઓછામાં ઓછી 80 રૂપિયામાં ખાંડ વેચાઇ રહી છે. ગ્રાહકો કહે છે કે, ખાંડના ભાવમાં થયેલા ઘટાડાને પગલે ઘણી રાહત મળી છે, હવે સરકારે અન્ય ચીજવસ્તુઓના ભાવ ઘટાડવાની કાર્યવાહી કરવી જોઈએ. છેલ્લાં બે મહિનાથી કેટલાક શહેરોમાં ખાંડના ભાવમાં કિલો દીઠ રૂ .11 થી વધુનો વધારો થયો હતો, પરંતુ શેરડીની સમયસર પિલાણ અને ખુલ્લા બજારમાં સ્થાનિક ખાંડના આગમનને કારણે હવે ભાવ ઘટવા લાગ્યા છે.
ઓલ પાકિસ્તાન ટ્રેડર્સ એસોસિએશનના અધ્યક્ષ અજમલ બલોચે જણાવ્યું હતું કે, ખાંડનો સરેરાશ વેચાણ ભાવ ઘટીને રૂ. 80 ની સપાટીએ આવી ગયો છે, જે અગાઉ રૂ.90 હતો. તેમણે કહ્યું કે હવે શેરડીની પિલાણ ચાલી રહી છે અને નવી ખાંડ આવવાની શરૂઆત થઈ હોવાથી ખાંડના ભાવ ઝડપથી નીચે આવવા લાગ્યા છે. બલોચે કહ્યું કે સિંધ અને પંજાબમાં અગાઉની સુગર મિલોનો દર હવે પ્રતિ કિલો રૂ. 78 છે.
