કાઠમંડુ: આ તહેવારની સીઝનમાં ‘મીઠી’ રાહતની આશા રાખતા નેપાળના ગ્રાહકો નિરાશ થઈ શકે છે, કેમ કે નેપાળને ખાંડની અછતની સમસ્યાનો સામનો કરવો પડી શકે છે. સોલ્ટ ટ્રેડિંગ કોર્પોરેશન અને ફૂડ મેનેજમેન્ટ અને ટ્રેડિંગ કંપની લિમિટેડ (FMTCL) એ ખાંડની આયાત માટે ટેન્ડર પ્રક્રિયા શરૂ કરી છે.
FMTCLએ ખાંડની આયાત માટે 45 દિવસની સમયમર્યાદા સાથે 23 ઓગસ્ટે ટેન્ડર બહાર પાડ્યું હતું. જો કે, પાછલા વર્ષોથી ખાંડની આયાત કરવાની પ્રક્રિયા જોતાં, સ્પષ્ટ છે કે ખાંડ નવેમ્બર પહેલાં આવી શકે નહીં. FMTCL)ના જણાવ્યા અનુસાર તેઓ નવેમ્બરની મધ્યમાં ખાંડ લાવી શકશે. જો કે તહેવારની સિઝનમાં ખાંડની અછત અને ભાવમાં વધારો સામાન્ય થઈ ગયો છે, પરંતુ આ વર્ષે સમસ્યાઓ વધુ વધી શકે છે.
