मनीला : साखरेच्या तुटवड्यामुळे उत्पादनावर परिणाम होत असल्याचे कोका-कोला बेव्हरेजेस फिलिपाइन्स इंक. (CCBPI) ने म्हटले आहे. कंपनीच्या म्हणण्यानुसार, बॉटलर ग्रेड साखरेच्या कमतरतेमुळे उत्पादनात अडचणी आल्या आहेत. CCBPI च्या कॉर्पोरेट आणि नियामक विषयांचे संचालक अट्टी जुआन लोरेंजो तानादा यांनी सांगितले की, त्यांना साखर आदेश संख्या ३ मधून १०,००० मेट्रिक टन साखरेचा कोटा मंजूर झाला आहे. CCBPI ला प्रीमियम ग्रेड प्रक्रिया केलेल्या साखरेची आवश्यकता आहे.
CCBPI ने म्हटले आहे की, आम्ही पुरवठ्यातील अडथळे कमी करून आपल्या बॉटलिंग व्यवस्थापनावर, पुरवठ्याचा प्रभाव कमी करण्यासाठी हरेक प्रयत्न करीत आहोत. आयात आदेशातील गोंधळ लक्षात घेऊन राजीनामा देणारे माजी कृषी अवर सचिव लेओकाडियो सेबेस्टियन यांनी सांगितले की, सरकारला ३,००,००० मेट्रिक टन साखर आयात करण्याची गरज आहे. CCBPI ने सांगितले की, आम्ही किरकोळ विक्रेत्यांना लाभ देण्यासाठी एका कायमस्वरुपी उपायावर पोहोचण्यासाठी सरकार आणि समग्र साखर उद्योगासोबत काम करणे सुरूच ठेवू. जे त्यांच्या उपजीविकेसाठी उत्पादनाच्या उपलब्धतेवर अवलंबून आहेत.
