ऊस शेतकऱ्यांप्रश्नी प्रियंका गांधी शेतकरी पंचायात आयोजित करणार

83

नवी दिल्ली : ऊस उत्पादकांच्या थकबाकीप्रश्नी उत्तर प्रदेशात राज्य सरकारला घेरण्याची तयारी काँग्रेसने सुरू केली आहे. काँग्रेसच्या महासचिव प्रियंका गांधी-वड्रा यांनी ऊस उत्पादक शेतकऱ्यांचा प्रश्न समोर आणण्यासाठी आणि त्यांच्या थकबाकीप्रश्नी शेतकरी पंचायत आयोजित करण्याची घोषणा आयोजित केली आहे. प्रदेश काँग्रेसच्या बैठकीत सलग मेळावे आयोजित करण्याबाबत चर्चा करण्यात आली. त्यामध्ये प्रियंका गांधी साखर कारखानदारांकडून ऊस बिले न मिळाल्याचा मुद्दा समोर आणतील.

प्रियंका गांधी यांनी नुकताच मथुरा जिल्ह्यातील एका शेतकरी पंचायतीमध्ये भाग घेतला होता. त्यामध्ये केंद्र सरकारच्या तीन कृषी विधेयकांबाबत प्रश्न मांडण्यात आला. उपलब्ध माहितीनुसार, ऊस उत्पादक शेतकऱ्यांना २०१९-२० या वर्षातील थकबाकी पूर्णपणे मिळालेली नाही. तर २०२०-२१ या गळीत हंगामात एसएपीमध्ये बदल न करता ३१५ रुपये प्रति क्विंटल ठेवण्यात आला आहे. सलग तिसऱ्या वर्षी राज्य सरकारने एसएपीमध्ये वाढ न करण्याचा निर्णय घेतला आहे. २०१७ मध्ये योगी आदित्यनाथ सरकारने सत्तेवर आल्यावर एसएपीत १० रुपये प्रति क्विंटल वाढ केली. नवी एसएपी ३२५ रुपयांवर ४५० रुपये प्रति क्विंटल करण्याची मागणी शेतकऱ्यांची आहे.

LEAVE A REPLY

Please enter your comment!
Please enter your name here