वेल्लोर/पुदुचेरी: विविध विभागातील अधिकार्‍यांसह चार सदस्यीय केंद्रीय पथकाने वेल्लोर जिल्ह्यामध्ये चक्रिवादळ निवार मुळे प्रभावित झालेल्या परिसराचा दौरा केला. पीडब्ल्यूडी सचिव के मनिवासन आणि वेल्लोर चे कलेक्टर ए शनमुगा सुंदरम ही त्यांच्या बरोबर दौर्‍यावर होते. शनमुगा सुंदरम यांनी सांगितले की, आम्ही जिल्हयातील पीक आणि इतर नुकसानीबाबत केंद्रीय पथकांना माहिती दिली. आम्ही पथकाला गुडियाथम आणि इतर स्थानांवर करण्यात आलेल्या सावधगिरीच्या उपयांबाबत सांगितले आहे.
तामिळनाडू विधानसभेमध्ये विरोधी पक्षाचे उपनेता आणि द्रमुक महासचिव दुरई मुरुगन देखील पथकासोबत होते. रानीपेट मध्ये, पथकाने एकांबरनल्लूर, नंद्यालम, मेलाकुप्पम, सथूर, के वेलूर आणि सक्कारमल्लूर चा दौरा केला. कलेक्टर एजी ग्लेडस्टोन पुष्पराज यांनी सदस्यांना चक्रिवादळाच्या धुमाकुळाबाबत माहिती दिली. तिरुपत्तूर कलेक्टर एमपी शिवनारुल यांनी पथकामला नुकसानीबाबत सांगितले. दरम्यान, शेतकर्‍यांच्या एका वर्गाने आरोप केला की, राजस्व आणि कृषी विभाग पीक नुकसानीची योग्य गणना करत नाही. वेल्लोर जिल्ह्यामध्ये 900 हेक्टर पेक्षा अधिक तांदुळ, उस, केळी, भुईमुग खराब झाले आहे. रानीपेट मध्ये 2,293 हेक्टर मध्ये तांदुळ, भुईमुग, केळी आणि इतर पीकांचे नुकसान झाले आहे. तिरुवन्नामलाईमध्ये 2,210 हेक्टर मध्ये तांदुळ, 719 हेक्टर वर भुईमुगाचे नुकसान झाले आहे. केंद्रीय पथकाने पुदुचेंरीमध्ये मोठ्या पावसाच्या क्षेत्राचा निरीक्षण केले.
