चेन्नई : गेल्यावर्षीच्या उत्पादनापेक्षा १२ लाख टन अधिक, हंगाम २०२१-२२ मध्ये १२० लाख टन धान्याचे यशस्वी उत्पादन केल्यानंतर, तामिळनाडू सरकारने चालू आर्थिक वर्षात १२७ लाख टन उत्पादनाचे उद्दिष्ट ठेवले आहे. राज्य सरकार आता २०२२-२३ मध्ये अन्नधान्य उत्पादनाचा आढावा घेत आहे.
कृषी आणि शेतकरी कल्याण मंत्री एम. आर. के. पन्नीरसेल्वम यांनी सांगितले की, राज्यात ४० टक्के जमीन पावसाच्या पाण्यावर अवलंबून आहे. सरकार पुढील पाच वर्षात कोरडवाहू जमिनीत शेतकऱ्यांच्या कल्याणासाठी २५ जिल्ह्यांत बाजरी मिशन लागू करण्याचा प्रस्ताव आहे. त्यांनी सांगितले की, राज्यातील ऊसाचे क्षेत्र २०२-२१ मध्ये ९५,००० हेक्टरवरुन वाढून २०२२-२३ च्या गळीत हंगामात १.५ लाख हेक्टर झाले आहे. ते म्हणाले की, सहकारी साखर कारखान्यांसाठी एक नवी इथेनॉल योजना मंजूर केली गेली आहे. ऊस उत्पादक शेतकऱ्यांना ४००० प्रती क्विंटल समर्थन मूल्य मिळावे यासाठी आम्ही प्रयत्न करीत आहोत. इथेनॉल प्लांट स्थापन करण्यासाठी एक विस्तृत योजनेचा रिपोर्ट तयार करण्यात आला आहे. आणि हा प्लांट पुढील वर्षी सुरू होईल.
