साखर उत्पादन वाढीसाठी टांझानियाने स्वीकारले भारताचे मॉडेल

238

दार एस सलाम : टांझानियाने देशांतर्गत साखर उत्पादन वाढविण्यासाठी भारताचे साखर उत्पादन धोरण स्वीकारले आहे. या मॉडेलअंतर्गत ३ लाख टन साखरेची तूट भरून काढण्यासाठी साखरेची निर्यात वाढविण्यासाठी ऊस प्रक्रिया करणाऱ्या मिनी प्लांटचा वापर करण्यावर भर दिला जात आहे. उद्योग आणि व्यापार मंत्री कितीला मकुम्बो यांनी सांगितले की, या उपायांमुळे टांझानियाला साखर उत्पादनात आत्मनिर्भर बनवले जाणार आहे. मकुंबो म्हणाले, जर आपल्याला साखर उत्पादनातील तूट भरून काढायची असेल तर त्यासाठी पूरक छोट्या प्रोसेसिंग युनिट्सची गरज आहे. कागेरो शुगर, किलोम्बेरा शुगर इस्टेट्स आणि टीपीसी लिमिटेड हे देशातील चार कारखाने दरवर्षी सरासरी ३,७०,००० टन साखर उत्पादन करतात. मात्र देशांतर्गत मागणी ६,७०,००० टनाची आहे.

टांझानिया इंजिनीअरिंग अँड मॅन्युफॅक्चरिंग डिझाईन ऑर्गनायझेशनचे (टेम्डो) महासंचालक फ्रेडरिक काहिम्बा यांनी सांगितले की, त्यांच्याकडून ऊसावरील प्रक्रियेसाठी मिनी प्लांटचे डिझाईन आणि निर्मिती करीत आहेत. प्रा. काहिम्बा म्हणाले की, यावर्षी मार्च महिन्यात सुरू झालेली डिझायनिंग आणि निर्मिती प्रक्रिया अनुक्रमे ४० टक्के आणि २० टक्क्यांवर पोहोचली आहे. आम्ही जलै महिन्यातील कामकाज सुरू करण्यापूर्वी जून २०२२ पर्यंत ऊसावरील प्रक्रियेचा मिनी प्लांट सुरू करण्याचे उद्दिष्ट ठेवले आहे. एका प्लांटसाठी एका दिवसासाठी दहा टन कच्च्या उसाची गरज भासेल अशा क्षमतेचे प्लांट असतील.
चीनीमंडी चे अपडेट्स व्हाट्सअप वर मिळवण्यासाठी खालील लिंक वर क्लिक करा
WhatsApp Group Link

LEAVE A REPLY

Please enter your comment!
Please enter your name here