તેલંગાણામાં આગામી દિવસોમાં વિધાનસભાની ચૂંટણી યોજાવા જઈ રહી છે અને તેને લઈને ભારતીય જનતા પાર્ટીના વરિષ્ઠ નેતાઓ દ્વારા રોડ શો કરવામાં આવી રહ્યો છે. ભાજપના નેતા અને કેન્દ્રીય પરિવહન મંત્રી નીતિન ગડકરી પણ તેલંગાણામાં પ્રચાર કરી રહ્યા છે.
ધ ન્યૂ ઈન્ડિયન એક્સપ્રેસમાં પ્રકાશિત એક સમાચાર અનુસાર, ખાસ કરીને યેલ્લારેડ્ડી વિધાનસભા ક્ષેત્ર વિશે બોલતા, તેમણે કહ્યું કે લોકો ફરિયાદ કરી રહ્યા છે કે મતવિસ્તારમાં કોઈ ઉદ્યોગ નથી. અમે યેલારેડ્ડીમાં ઇથેનોલ ઉત્પાદન ઉદ્યોગો લાવીશું. દેશમાં ઇથેનોલ ઉત્પાદન એકમોએ ‘અન્નદાતા’ને ‘ઈધનદાતા’માં રૂપાંતરિત કર્યું છે.
તમને જણાવી દઈએ કે, નીતિન ગડકરીએ દેશમાં ઇથેનોલ ઉદ્યોગને ઝડપથી પ્રમોટ કરવામાં મહત્વપૂર્ણ યોગદાન આપ્યું છે.
તાજેતરમાં જ કેન્દ્રીય ગૃહમંત્રી અમિત શાહે તેલંગાણાના જગીતાલ અને રંગારેડ્ડી જિલ્લામાં રોડ શો કર્યો હતો. મંત્રી શાહે તેલંગાણામાં એક ચૂંટણી રેલીમાં રાજ્યમાં ત્રણ શુગર મિલો, મકાઈ પ્રોસેસિંગ અને ઈથેનોલ પ્લાન્ટને પુનર્જીવિત કરવાનું વચન આપ્યું હતું. તેમણે કહ્યું હતું કે રાજ્યમાં ત્રણ સુગર મિલોને પુનર્જીવિત કરવાની જરૂર છે. બીજેપીને અહીં તેલંગાણામાં તેની સરકાર બનાવવા દો અને અમે ત્રણેય મિલોને પુનર્જીવિત કરીશું.
