સંસદનું બજેટ સત્ર 31 જાન્યુઆરીથી શરૂ થશે. 31 જાન્યુઆરીએ રાષ્ટ્રપતિ રામનાથ કોવિંદ સંયુક્ત સત્રને સંબોધિત કરશે. તે જ સમયે, 1 ફેબ્રુઆરીએ, સરકાર દ્વારા સંસદમાં સામાન્ય બજેટ રજૂ કરવામાં આવશે. સમાચાર એજન્સી પીટીઆઈ દ્વારા આ વાતની જાણકારી આપવામાં આવી છે.
સૂત્રોના જણાવ્યા અનુસાર ઓમિક્રોનના વધતા પ્રભાવને ધ્યાનમાં રાખીને આ વખતે સત્ર બે ભાગમાં ચાલશે. પ્રથમ સત્ર 31 જાન્યુઆરીથી 11 ફેબ્રુઆરી સુધી ચાલશે જ્યારે બીજું સત્ર 14 માર્ચથી 8 એપ્રિલ સુધી ચાલશે.
જણાવી દઈએ કે, ત્રીજા મોજા દરમિયાન છેલ્લા એક મહિનામાં સંસદભવનના 718 કર્મચારીઓ કોરોનાથી સંક્રમિત થયા છે. તેમાંથી મોટાભાગના છેલ્લા બે અઠવાડિયા દરમિયાન સંક્રમિત થયા છે. 9 જાન્યુઆરી સુધી લગભગ 400 કર્મચારીઓ કોરોના સંક્રમિત હતા, પરંતુ બુધવારે આ આંકડો 700 ને પાર કરી ગયો છે. રાજ્યસભા સચિવાલયના સૂત્રોએ જણાવ્યું કે સંક્રમિત માંથી લગભગ 200 કર્મચારીઓ રાજ્યસભાના છે. બાકીના લોકો લોકસભા અને અન્ય વિભાગો સાથે સંકળાયેલા હોવાનું કહેવાય છે. તમને જણાવી દઈએ કે લોકસભા અને રાજ્યસભાએ તેમના એક તૃતિયાંશ કર્મચારીઓને ઘરેથી કામ કરવાની મંજૂરી આપી છે. જ્યારે 50 ટકા અધિકારીઓને ઘરેથી કામ કરવાની છૂટ છે.
