કેન્દ્ર સરકારે 25 ઓગસ્ટના રોજ કહ્યું હતું કે તેણે ઓક્ટોબરથી શરૂ થતી આગામી પિલાણ સીઝન માટે શેરડીના ભાવ (FRP) 5 રૂપિયાથી વધારીને 290 રૂપિયા પ્રતિ ક્વિન્ટલ કરવાનો નિર્ણય કર્યો છે.
આર્થિક બાબતોની કેબિનેટ સમિતિની બેઠકમાં માર્કેટિંગ વર્ષ 2021-22 (ઓક્ટોબર-સપ્ટેમ્બર) માટે શેરડીના વાજબી અને લાભદાયી ભાવ (FRP) વધારવાનો નિર્ણય લેવામાં આવ્યો હતો.
સરકારે પિલાણ સીઝન 2021-22 માટે શેરડીની FRP 290 રૂપિયા પ્રતિ ક્વિન્ટલ નક્કી કરી છે. સરકારે જણાવ્યું હતું કે 10 ટકાના મૂળ વસૂલાત દર માટે 290 રૂપિયા પ્રતિ ક્વિન્ટલની FRP નક્કી કરવામાં આવી છે.
તમને જણાવી દઈએ કે, પાછલી સીઝનમાં FRP 10 રૂપિયા પ્રતિ ક્વિન્ટલ વધારીને 285 રૂપિયા કરવામાં આવી હતી. શેરડીના ખેડૂતો છેલ્લા ઘણા મહિનાઓથી શેરડીના ભાવમાં વધારો કરવાની માંગ કરી રહ્યા છે.
