ભારતમાં ઘણા દિવસો બાદ કોરોના ના પોઝિટિવ કેસને બદલે સાજા કેસની સંખ્યા વધારે જોવા મળી છે જે ભારત માટે ભારે રાહતના સમાચાર છે. કેન્દ્રીય આરોગ્ય મંત્રાલયે મંગળવારે સવારે દેશમાં નવા ચેપગ્રસ્ત લોકોનો ડેટા છેલ્લા 24 કલાક દરમિયાન જાહેર કર્યો હતો. છેલ્લા 24 કલાકમાં દેશમાં 3,29,942 નવા કોવિડ -19 કેસ નોંધાયા હતા અને 3,876 ચેપગ્રસ્ત લોકોનાં મોત નીપજ્યાં હતાં. મંત્રાલયે કહ્યું કે આ સમયગાળા દરમિયાન 3,56,082 લોકોને હોસ્પિટલમાંથી રજા આપવામાં આવી હતી.
ભારતમાં કુલ કેસની સંખ્યા 2,26,62,575 પાર પહોંચી છે જયારે રિકવર થનાર દર્દીઓની કુલ સંખ્યા 1,90,27,304 પાર પહોંચી છે. ભારતમાં હાલ 37,15,221 એક્ટિવ કેસની સંખ્યા છે. કુલ મોતની સંખ્યા 2,49,992 પર પહોંચી ગઈ છે. તે જ સમયે, લોકોને આ સમયગાળા દરમિયાન કોરોના વાયરસની 25,03,756 રસીઓ લાગુ કરવામાં આવી હતી.
16 જાન્યુઆરીથી શરૂ થયેલ રસીકરણ અભિયાન અંતર્ગત દેશમાં અત્યાર સુધીમાં કુલ રસીકરણનો આંકડો 17,27,10,066 રહ્યો છે. ઈન્ડિયન કાઉન્સિલ ઓફ મેડિકલ રિસર્ચ (આઈસીએમઆર) દ્વારા આપવામાં આવેલી માહિતી અનુસાર સોમવાર સુધીમાં દેશમાં રોના વાયરસ માટે કુલ 30,56,00,187 નમૂના પરીક્ષણો કરવામાં આવ્યા છે, જેમાંથી ગઈકાલે 18,50,110 નમૂનાની તપાસ કરવામાં આવી હતી.
આ મહિનામાં, ચાર દિવસમાં અત્યાર સુધીમાં 4 લાખથી વધુ ચેપના કેસ નોંધાયા છે, પરંતુ ત્યારબાદ નવા કેસોના આંકડા ની ગતિ ધીમું જણાય છે. 1 મે એ પહેલો દિવસ હતો જ્યારે 4 લાખથી વધુ નવા કેસ નોંધાયા હતા. 21 એપ્રિલ ચેપનો આંકડો 3 લાખને પાર કરી ગયો હતો અને માત્ર 1 મેના રોજ, 1 મેના રોજ, લગભગ 1 લાખ કેસ વધ્યા હતા.
