रिगा साखर कारखान्यात पुढील आठवड्यात डिस्टिलरी सुरू, इथेनॉल उत्पादन करणार

184

सीतामढ़ी : अखेरीस रिगा साखर कारखान्यात डिस्टिलरी युनीट सुरू होणार आहे. शुक्रवारी बॉयलर पूजा करण्यात आली. पुढील आठवड्यापासून युनीट सुरू होईल. कारखान्यात पारंपरिक पद्धतीने पूजा करण्यात आली. कारखान्याचे मनुष्यबळ विकास विभागाचे महा व्यवस्थापक बी. एन. चौधरी यांनी सांगितले की, कोविड नियमांचे पालन करून बॉयलर सुरू करण्याची तयारी सुरू आहे. नोव्हेंबर २०२० पासून आठ मे २०२१ आतापर्यंत प्रशासनाने विविध सरकारी स्तरावरून आणि इतर पद्धतीने कामगारांना आवाहन केले. मात्र, ते कामावर आलेले नाहीत. त्यामुळे बाहेरून कामगार आणून बॉयलर सुरू करण्यात आला आहे. डिस्टीलरीसाठी बॉयलर सुरू ठेवणे गरजेचे आहे. मोलॅसिस तसेच एक कोटी रुपयांची बगॅस वाया जात होता. तर एक्साईज डिपार्टमेंटकडून वारंवार कंपनी सुरू करण्यास सांगण्यात आले होते.

दरम्यान, कार्यक्रमाला विविध शेतकरी उपस्थित होते. कारखान्याचे कार्यकारी संचालक ओमप्रकाश धानुका यांनी व्हिडिओ कॉन्फरन्सींग्चाय माध्यमातून शेतकऱ्यांशी संवाद साधला. कारखाना प्रशासन २०२१-२२ या हंगामात सुरू केला जाईल. काही युनीयनच्या नेत्यांनी खासगी स्वार्थापोटी सुमारे ७०० कामगार तसेच ४०,००० शेतकऱ्यांचे नुकसान केले आहे. बॉयलर पूजेवेळी महा व्यवस्थापक यशपाल सिंह, डिस्टलरी व्यवस्थापक एस. के. मिश्रा, लीगल मॅनेजर के. एन. सिंह, सुधीर पांडेय, मुकुंद कुमार, उपेंद्र कुमार, अमरनाथ झा आदी शेतकरी उपस्थित होते.

 

 

LEAVE A REPLY

Please enter your comment!
Please enter your name here