ભારતમાં પેટ્રોલના ભાવ પ્રમાણમાં વધારે હોઈ શકે છે, પરંતુ ભારતનું એક પણ શહેર ટોપ 10 સૌથી મોંઘા પેટ્રોલ વેચતા શહેરોની યાદીમાં સામેલ નથી. ઈકોનોમિસ્ટ ઈન્ટેલિજેન્સ યુનિટ દ્વારા પ્રકાશિત તાજેતરના અભ્યાસ અહેવાલમાં વિશ્વના 10 શહેરનો ઉલ્લેખ કરવામાં આવ્યો છે જ્યાં પેટ્રોલ સૌથી મોંઘુ છે. હોંગકોંગ આ યાદીમાં ટોચ પર છે. અહેવાલમાં સમાવિષ્ટ મુખ્ય શહેરો છે-
1- હોંગકોંગ
હોંગકોંગ યાદીમાં ટોચ પર છે, જે એક લિટર પેટ્રોલ માટે અઢી ડોલર (188.10 ભારતીય રૂપિયા) ચાર્જ કરે છે. 2011માં હોંગકોંગમાં પેટ્રોલની કિંમત પ્રતિ લિટર $2.13 હતી, જે 2016માં ઘટીને $1.73 થઈ ગઈ હતી, પરંતુ 2020માં વધીને $2.19 થઈ ગઈ હતી. વર્ષ 2021માં આ કિંમત વધીને $2.50 થઈ ગઈ.
2- એમ્સ્ટર્ડમ
મોંઘું પેટ્રોલ ધરાવતા શહેરોની યાદીમાં નેધરલેન્ડનું એમ્સ્ટર્ડમ શહેર બીજા ક્રમે છે. અહીં એક લિટર પેટ્રોલની કિંમત $2.18 એટલે કે 164 રૂપિયા છે. વર્ષ 2011માં કિંમત $2.40 હતી, જે વર્ષ 2016માં ઘટીને $1.69 થઈ અને વર્ષ 2020માં વધીને $1.91 થઈ.
3- ઓસ્લો
નોર્વેનું ઓસ્લો શહેર ત્રીજા નંબર પર છે. વર્ષ 2021માં અહીં એક લિટર પેટ્રોલની કિંમત 155 રૂપિયા ($2.06) છે. વર્ષ 2011માં તેની કિંમત $2.62 પ્રતિ લીટર હતી, જે 2016માં ઘટીને $1.54 થઈ ગઈ. પરંતુ વર્ષ 2020માં તે વધીને $1.76 થઈ ગયું.
4- તેલ અવીવ
તેલ અવીવમાં એક લિટર પેટ્રોલની વર્તમાન કિંમત બે ડોલર એટલે કે રૂ. 150.48 છે. વર્ષ 2011માં તેની કિંમત $2.05 પ્રતિ લીટર હતી, જે ઘટીને 2016માં $1.45 થઈ ગઈ. વર્ષ 2020માં આ કિંમત વધીને $1.65 થઈ ગઈ.
5- હેમ્બર્ગ
હેમ્બર્ગ, જર્મનીમાં, 2021 માં એક લિટર પેટ્રોલની કિંમત $1.99 છે. વર્ષ 2011 માં, અહીં કિંમત પ્રતિ લિટર $2.24 હતી. જે 2016માં ઘટાડીને $1.44 કરવામાં આવી હતી. વર્ષ 2020માં કિંમત થોડી વધીને $1.45 થઈ ગઈ હતી.
6-ગ્રીસ
EIUના રિપોર્ટ અનુસાર, ગ્રીસનું એથેન્સ શહેર 6ઠ્ઠા સ્થાને છે. અહીં વર્ષ 2021માં એક લિટર પેટ્રોલની કિંમત $1.98 એટલે કે લગભગ 149 રૂપિયા હતી.
7- રોમ
ઇટાલીનું રોમ વર્ષ 2021માં 7મા ક્રમે હતું. અહીં પણ એક લિટર પેટ્રોલ 1.98 ડોલર એટલે કે લગભગ 149 રૂપિયામાં વેચાઈ રહ્યું છે.
8- સ્ટોકહોમ
સ્વીડનનું સ્ટોકહોમ 8મા સ્થાને છે. વર્ષ 2021માં એક લિટર પેટ્રોલની કિંમત 148 રૂપિયા હતી.
9- રેકજાવિક
આઇસલેન્ડનું રેકજાવિક શહેર 9મા ક્રમે છે. વર્ષ 2021માં અહીં પેટ્રોલ 1.97 ડોલરમાં વેચાઈ રહ્યું છે.
10- ફિનલેન્ડ
ફિનલેન્ડ 10મા ક્રમે છે. અહીં વર્ષ 2021માં પેટ્રોલની કિંમત $1.96 હતી. EIU રિપોર્ટ અનુસાર, 2011માં કિંમત $2.32 પ્રતિ લિટર હતી, જે ઘટીને 2016માં $1.55 થઈ ગઈ છે. પરંતુ 2020માં તે વધીને $1.74 થઈ ગયું.
