હૈદરાબાદ: પૂર્વોત્તર ક્ષેત્રના પ્રવાસન, સંસ્કૃતિ અને વિકાસ મંત્રી જી. કિશન રેડ્ડીએ રાજ્ય સરકાર પર આરોપ લગાવ્યો છે કે તે નિઝામ શુગર મિલને ફરીથી ખોલવાના પોતાના વચનોની અવગણના કરી રહી છે. મુખ્ય પ્રધાન કે ચંદ્રશેખર રાવે નિઝામ શુગર ફેક્ટરી ફરીથી ખોલવાની ખાતરી આપ્યાને નવ વર્ષ થઈ ગયા છે, પરંતુ તે મોરચે કંઈ કરવામાં આવ્યું નથી, એમ તેમણે જણાવ્યું હતું.
રવિવારે પત્રકાર પરિષદમાં મંત્રી જી. કિશન રેડ્ડીએ કહ્યું કે મુખ્યમંત્રી કે. ચંદ્રશેખર રાવે 2014માં સત્તામાં આવ્યા બાદ 100 દિવસની અંદર બંધ જાહેર ક્ષેત્રના એકમોને પુનઃ જીવિત કરવાનું વચન આપ્યું હતું, પરંતુ હજુ સુધી તેમ કરવામાં નિષ્ફળ રહ્યા છે. રેડ્ડીએ આરોપ લગાવ્યો કે વહીવટીતંત્રની નિષ્ફળતાઓ ઢાંકવા માટે રાજ્ય સરકાર મોદી સરકારને બદનામ કરી રહી છે. મુખ્યમંત્રીને વ્યક્તિગત રીતે અનેક પત્રો લખવા છતાં રાજ્ય સરકાર વિકાસ કાર્યક્રમોમાં કેન્દ્રને સહકાર આપી રહી નથી તેવો આક્ષેપનો તેમણે પુનરોચ્ચાર કર્યો હતો.
