पुणे: उपमुख्यमंत्री अजित पवार यांचा आज सकाळी बारामती विमानतळाजवळ झालेल्या विमान अपघातात मृत्यू झाला. जिल्हा परिषद आणि पंचायत समिती निवडणुकीच्या प्रचार सभेला उपस्थित राहण्यासाठी अजित पवार मुंबईहून बारामतीला जात होते. बारामती विमानतळावर उतरताना विमान कोसळून जवळच्या शेतात कोसळले. या अपघातात अजित पवारांसह एकूण सहा जणांचा मृत्यू झाला. नागरी विमान वाहतूक महासंचालनालयाने (डीजीसीए) मृतांच्या संख्येची पुष्टी केली आहे.
पुणे आणि पिंपरी चिंचवड येथील अलिकडच्या महानगरपालिका निवडणुकीत अजित पवार यांच्या पक्षाची कामगिरी निराशाजनक झाली होती. त्यामुळे अजित पवार यांनी जिल्हा परिषद निवडणुकीत पक्षाच्या कामगिरीवर भर दिला होता. त्यांनी पुणे जिल्ह्यावर विशेष लक्ष केंद्रित केले होते. या पार्श्वभूमीवर, जिल्हा परिषद आणि पंचायत समिती निवडणुकीसंदर्भात अजित पवार आज बारामतीत बैठक घेणार होते. बैठकीसाठी अजित पवार आज सकाळी मुंबईहून बारामतीला रवाना झाले. दरम्यान, त्यांचे विमान बारामती विमानतळावर उतरत असताना जवळच्या शेतात कोसळले.
