भटिंडा : पंजाबध्ये गहू खरेदीचा हंगाम अखेरच्या टप्प्यात आला आहे. आणि राज्य राष्ट्रीय अन्नधान्य साठ्यात जवळपास ३५ ते ४० टक्क्यांपर्यंत योगदान देण्याच्या मार्गावर आहे. हे प्रमाण इतर राज्यांतील खरेदीवर अवलंबून आहे. पंजाब आपल्या उद्दिष्टाच्या ९४ टक्क्यांजवळ आले आहे. कारण, राज्यातील धान्य मंडयांमध्ये १२४ लाख मेट्रिक टन (LMT) च्या आसपास गहू आला आहे. तर भारतीय अन्न महामंडळाने (FCI) १३२ LMT खरेदीचे उद्दिष्ट निश्चित केले होते. पूर्ण देशासाठी ३४१.५ LMT उद्दिष्ट निश्चित करण्यात आले आहे.
गेल्या १४ वर्षात पंजाब राष्ट्रीय साठ्यामध्ये ३० ते ५० टक्क्यांचे योगदान देत होता. मात्र, प्रमाणाबाबत विचार केल्यास पंजाबने २०२१-२२ मध्ये सर्वाधिक १३२.२२ एलएमटी योगदान दिले होते. तरीही गेल्या १४ वर्षांच्या टक्केवारीच्या तुलनेत हे प्रमाण सर्वात कमी होते. कारण, हे ३०.५ टक्के असल्याचे स्पष्ट झाले. तर राज्याने पहिल्यांदा केवळ ९६.४५ एलएमटी गहू साठ्याचे योगदान दिले होते. पंजाबने २०२२-२३ मध्ये आतापर्यंत ५१.३२ टक्के असे सर्वाधिक योगदान दिले आहे.
२०२१-२२ मध्ये देशात आतापर्यंत सर्वाधिक ४३३.४४ एलएमटीचे पिक भरपूर प्रमाणात खरेदी करण्यात आले होते. तर २०२२-२३ मधील मार्च महिन्यात उष्णतेच्या लाटेमुळे त्याचे उत्पादन मोठ्या प्रमाणात नुकसानीस बळी पडले. त्यामुळे खरेदी केवळ १८७.९२ एलएमटीपर्यंत मर्यादीत राहिली.
