सांगली : येडेमच्छिंद्र प्राथमिक आरोग्य केंद्र आणि कृष्णा सहकारी कारखान्याच्या संयुक्त विद्यमाने ऊसतोड कामगार व माता-बालक आरोग्य तपासणी व उपचार शिबीराचे आयोजन करण्यात आले होते. कारखान्याचे मॅनेजिंग डायरेक्टर बाजीराव सुतार यांच्या हस्ते शिबिराचे उद्घाटन करण्यात आले. शिबिराचा प्रारंभ दीपप्रज्वलनाने झाली. जनरल मॅनेजर केन दादासाहेब शेळके, ऊसविकास अधिकारी पंकज पाटील उपस्थित होते. शिबिरात १५८ जणांची आरोग्य तपासणी व मोफत उपचार केले.
ऊस तोड मजुरांनी काम करत असताना आपल्या शरीराची काळजी घेऊन काम केले पाहिजे असे आवाहन बाजीराव सुतार यांनी केले. कारखान्याचे चेअरमन डॉ. सुरेश भोसले नेहमीच ऊसतोड मजुरांसाठी अनेक उपक्रम राबवित असतात असे ते म्हणाले. या शिबिरासाठी प्रभारी वैद्यकीय अधिकारी डॉ. प्रकाश वाठारकर, डॉ. गायत्री जगताप, डॉ. ईश्वर दाभाडे, कारखान्याचे वैद्यकीय अधिकारी डॉ. हर्षल निकम, आरोग्य सहाय्यक, औषध निर्माण अधिकारी, आरोग्यसेवक, आशा गट प्रवर्तक, आशा स्वयंसेविका यांचे सहकार्य लाभले.
