नवी दिल्ली: रिटेलनंतर आता महागाईच्या घाऊक दरातही मोठी घसरण झाली आहे. डब्ल्यूएपी मार्च मध्ये १.३४ टक्क्यांवर पोहोचल्यानंतर महागाईच्या आघाडीवर आता घाऊक महागाईच्या दरात घट झाली आहे. सरकारकडून जारी करण्यात आलेल्या आकडेवारीनुसार, डब्ल्यूएपी महागाई मार्च २०२३ मध्ये घटून १.२४ टक्क्यांवर आली. गेल्या महिन्यात, फेब्रुवारीमध्ये हा दर ३.८५ टक्के झाला आहे.
आजतकमध्ये प्रकाशित वृत्तानुसार, केंद्र सरकारच्या म्हणण्यानुसार, मार्च महिन्यात होल-सेल महागाईचा दर घसरण्याचे मुख्य कारण म्हणजे खाद्य पदार्थ, कपडे, खाद्यपदार्थ वगळता इतर वस्तू, खनिज, रबर, प्लास्टिक आदी उत्पादनांसह कच्चे पेट्रोलियम पदार्थ, नैसर्गिक गॅस, कागद उत्पादनांच्या किमतीमध्ये घट कारणीभूत आहे. घाऊक महागाईच्या दरात सलग दहाव्या महिन्यात घसरण दिसून आली आहे. गेल्या महिन्यात अन्नधान्याच्या महागाईच्या दरात घसरण दिसून आली होती. हा दर २.३० टक्क्यांवर आला. तर गेल्या महिन्यात फेब्रुवारी २०२३ मध्ये अन्न सूचकांक महागाई २.७६ टक्के होती. जानेवारीत हा आकडा २.९५ टक्क्यांवर होता. म्हणजेच मार्च महिन्यात होलसेल महागाईचा दर कमी झाला. डब्ल्यूएपीवर आधारित महागाईत सलग दहाव्या महिन्यात घसरण दिसून आली आहे.
