બ્રાઝિલ: એપ્રિલ ખાંડના ઉત્પાદનમાં ઘટાડો નોંધાયો

507

બ્રાસીલિયા: બ્રાઝિલિયન ઉદ્યોગ જૂથ યુનિકાએ જણાવ્યું હતું કે, વિશ્વના ટોચના ઉત્પાદક બ્રાઝિલની મિલોએ પિલાણ મોસમ શરૂ કરી દીધી છે, અને એપ્રિલમાં ખાંડનું ઉત્પાદન એક વર્ષ અગાઉના સમાન સમયગાળા ની તુલનાએ 35% નીચે છે. એપ્રિલના પહેલા પખવાડિયામાં, મધ્ય-દક્ષિણ ક્ષેત્રમાં બ્રાઝિલનું ખાંડનું ઉત્પાદન ફક્ત 624,000 ટન હતું, જે ગયા વર્ષના સમાન ગાળામાં 971,000 ટન હતું. શેરડીનું પિલાણ પણ 15.6 મિલિયન ટન હતું, જે વર્ષ ૨૦૨૦ કરતાં 30 ટકા ઓછું છે. સમાન ગાળામાં ઇથેનોલનું ઉત્પાદન 25% ઘટીને 731 મિલિયન લિટર થયું હતું, પરંતુ તેમાં 111 મિલિયન લિટર મકાઈ આધારિત ઇંધણ શામેલ છે.

યુનિકાએ જણાવ્યું હતું કે, મધ્ય-દક્ષિણ ક્ષેત્રમાં એપ્રિલના પહેલા પખવાડિયામાં ગત વર્ષે 180 મિલોની તુલનામાં આ સિઝનમાં 141 મિલો શેરડીનું પિલાણ કરી રહી છે. ખરાબ વાતાવરણને કારણે શેરડીના વિકાસને નુકસાન થયું છે. યુનિકાના તકનીકી નિયામક એન્ટોનિયો ડી પદુઆ રોડ્રિગ્સે જણાવ્યું છે કે, ઔદ્યોગિક ઉપજ પણ વ્યાજબી નથી.

LEAVE A REPLY

Please enter your comment!
Please enter your name here