साओ पाउलो : ब्राझीलमध्ये धान्याचे उत्पादन २०२२-२३ मध्ये ३१५.८ मिलियन टनाचे उच्चांकी उत्पादन होण्याची शक्यता असल्याचे कोनाबद्वारे ब्राझीलीयामध्ये जारी करण्यात आलेल्या नवव्या अन्नधान्य पिक सर्वेक्षणात म्हटले आहे. हे उत्पादन गेल्या पिक हंगामाच्या तुलनेत ४३.२ दशलक्ष टनाने जादा असेल. पिक लागवड क्षेत्र २०२१-२२ पासून ४.८ टक्के वाढून ७८.१ दशलक्ष हेक्टर होईल अशी अपेक्षा आहे.
सोयाबीन…
कोनाबच्या सर्व्हेनुसार, सध्याच्या हंगामात सोयाबीन उत्पादनात वाढ झाली आहे. त्यामुले पिक जवळपास पूर्ण झाले आहे. २०२१-२२ च्या २४ टक्क्यांपासून (३०.२ दशलक्ष टन) हे उत्पादन वाढून १५५.७ दशलक्ष टनापर्यंत पोहोचेल. कोनाबचे क्रॉप मॉनिटरिंग मॅनेजर फॅबियानो वॅस्कॉन्सलोस यांनी सांगितले की, अनुकूल हवामान आणि चांगल्या तंत्रज्ञानाच्या स्थितीमुळे हा बदल दिसला आहे.
मक्का आणि कापूस
सर्वेक्षणानुसार मक्क्याचे उच्चांकी उत्पादन होईल. या पिकाचे एकूण उत्पादन १२५.७ दशलक्ष टनापर्यंत होईल. जर असे झाले तर २०२१-२२ मधील पिकाच्या तुलनेत ११.१ टक्के (१२.६ दशलक्ष) जास्त असेल. दुसऱ्या पिक तोडणीच्या प्रारंभीच्या टप्प्यात ९६.३ दशलक्ष टनापर्यंत उत्पादन पोहोचण्याचे अनुमान आहे. वास्कोनसेलोस यांच्या म्हणण्यानुसार आतापर्यंत हवामानाची स्थिती पिकाच्या विकासाला अनुकूल नाही. कोनाबच्या सर्वेक्षणानुसार कापसाचे दुसरे पिक २.९८ दशलक्ष टन होण्याचे अनुमान आहे. तांदळाचे उत्पादन १० दशलक्ष टनापर्यंत पोहोचेल. गव्हाचे लागवड क्षेत्र पुर्वानुमानाच्या तुलनेत ४६.९ टक्क्यांपर्यंत पोहोचले आहे.
