नवी दिल्ली : FMCG क्षेत्रातील प्रमुख ब्रिटानिया इंडस्ट्रीजने आर्थिक वर्ष २०२५ मध्ये कमोडिटी चलनवाढ आटोपशीर पातळीवर राहण्याची अपेक्षा व्यक्त केली आहे. ‘मनीकंट्रोल’मध्ये प्रकाशित झालेल्या वृत्तानुसार, Britannia चे एम.डी. वरुण बेरी यांनी पोस्ट अर्निंग कॉनकॉलमध्ये सांगितले की, यंदाचा दृष्टिकोन चलनवाढीचा (deflationary) नसून हेल्थी महागाईचा (healthy inflation) आहे.
ब्रिटानियाने म्हटले आहे की, गव्हाचे पीक चांगल्या स्थितीत असल्याचे दिसून येत आहे. मात्र, सरकारी साठा तुलनेने कमी आहे. तथापि, विविध कार्यक्रमांसाठी सरकारी खरेदीमुळे संपूर्ण वर्षभर, विशेषतः निवडणुकीनंतर गव्हाच्या किमती वाढण्याची शक्यता वर्तवली जाते. शिवाय, साखरेचे उत्पादनही चांगले झालेले नाही. त्यामुळे साखरेच्या किमतीही वाढण्याची शक्यता आहे.
कंपनीने खरेदी सुरू केली आहे आणि खरेदी केलेल्या वस्तूंसाठी सर्वोत्तम किमती मिळवण्यासाठी त्यांच्याकडे संपूर्ण कार्यक्रम असल्याची खात्रीही केली आहे. गेल्यावर्षीची आव्हानात्मक आर्थिक परिस्थिती आणखी काही महिने टिकून राहण्याची अपेक्षा आहे, असे व्यवस्थापनाने सांगितले. परंतु मान्सूनचा कालावधी सुरू झाल्याने आणि निवडणुकीच्या निकालांमुळे सुधारणा अपेक्षित आहे.
