सिमला : ऊस उत्पादकांनी यावर्षी उत्तराखंड साखर कारखान्यापेक्षा अधिक ऊस स्थानिक गुऱ्हाळ, घाण्याला पाठवाल. त्यामुळे डोईवाला साखर कारखान्याचे दीड लाख क्विंटलची उद्दीष्टपूर्ती झालेली नाही. येथे ५४ हजार क्विंटल ऊस आला आहे. त्यामुळे स्थानिक शेतकऱ्यांना १.७३ कोटी रुपये मिळाले आहेत.
हिमाचल किसान सभेचे जिल्हामहासचिव गुरविंद्र सिंह, पावटा तहसील योजनेचे प्रमुख ओमप्रकाश, महासचिव जगदीश चौधरी फूल सिंह, निरंजन सिंह, राम पाल, श्याम लाल आणि आदेश शर्मा यांनी सांगितले की, उत्तराखंडच्या डोईवाला साखर कारखान्याने यावर्षी पावटा परिसरात दीड लाख क्विटल ऊस खरेदीचे उद्दीष्ट निश्चित केले होते. मात्र, यावर्षी दी ऊस पावटा व्हॅली ऊस उत्पादक सोसायटी बद्रीपूरने सुमारे ४७,००० क्विंटल तर शाकुंभरी सोसायटी खोंडोवालाने ७००० टन ऊस वाहतूक केली. कारखान्याने पहिल्यांदा एका महिन्यात ऊस पिकाचे १.७३ कोटी रुपये शेतकऱ्यांना दिले आहेत. दरवर्षी कारखाना शेतकऱ्यांना खूप उशीरा ऊस बिले देतो. यंदा खूप लवकर पैसे मिळाले आहेत.
पावटा येथील २ ऊस खरेदी सोसायट्यांकडून उत्तराखंडच्या डोईवाला साखर कारखान्याने लॉकडाउनच्या आधी ऊस खरेदी केला होता. गुरविंदर सिंह यांनी सांगितले की, यावर्षी उसाचा दर ३१५ आणि ३२५ रुपये प्रती क्विंटल होता. ट्रक्टरद्वारे होणाऱ्या वाहतुकीचा खर्च वजा जाता शेतकऱ्यांना ३०६ आणि ३२६ रुपये मितात. दी ऊस पावटा व्हॅली साखर उत्पादक संघटना बद्रीपूरचे सचिव नेक राम आणि शाकूंभरी सोसायटी खोडोवालाचे सचिव दिलीप सिंह यांनी सांगितले की, उत्तराखंडच्या डोईवाला साखर कारखान्याच्या प्रशासनाने यावेळी पावटा व्हॅलीकडे दीड लाख क्विंटल चे उद्दीष्ट ठेवले होते. मात्र, पावटाच्या दोन्ही ऊस खरेदी सोसायट्यांनी ५४ हजार क्विंटलच ऊस उत्तराखंडला पोहोचवला.
