म्हैसूर, कर्नाटक: राज्य ऊस उत्पादक संघाचे अध्यक्ष कुरुबुरु शांताकुमार यांनी सांगितले की, ऊसाच्या योग्य मूल्याच्या मागणीबाबत 2 नोव्हेंबरला विरोध प्रदर्शन केले जाईल. येथील विनोबा रोडवरील जलदर्शनी गेस्ट हाउसमध्ये बोलताना त्यांनी ही माहिती दिली. ते म्हणाले, साखर कारखाने शेतकर्‍यांना चुकीचे आकडे सांगत आहेत . असे गेल्या तीन वर्षांपासून होत आहे. आम्ही साखर मंत्री शिवराम यांच्या सोबत बैठक़ घेतली. मंत्री हेब्बार यांनी एसएपी मूल्यामध्ये वाढ करण्याच्या बाबत मुख्यमंत्री बी.एस येडियुरप्पा यांच्याशी चर्चा करण्याचे आश्‍वासन दिले होते. पण आता पर्यंत एसएपी मूल्यात वाढ करण्याच्या बाबतीत काहीही केलेले नाही.
कुरुबु़रु शांताकुमार म्हणाले की, पूरग्रस्त उत्तर कर्नाटकातील शेतकर्‍यांना सरकारकडून ऊस, डाळ, तांदुळ, ज्वारी आणि कापसाचा योग्य मोबदला द्यावा लागेल. उद्योगपतींना पूरग्रस्त गावे दत्तक घेण्यासाठी सांगावे. कुरुबुरु शांताकुमार यांनी सांगितले की, राज्य सरकारला शेतकर्‍यांच्या समस्या माहिती आहेत, पण ते कारवाई करत नाहीत. यामुळे 2 नोव्हेंबरला आम्ही सर्व जिल्हा मुख्यालयांवर विरोध प्रदर्शन करणार आहोत. यावेळी शेतकरी नेते अत्तहल्ली देवराज, केआरएस रामगौडा, ग्राम अध्यक्ष हुंडी वेंकटेश, बारदानपुरा नागराज, डोड्डा कटूर महादेवस्वामी आणि सथागल्ली बसवाराजू आदी उपस्थित होते.
हि बातमी ऐकण्यासाठी प्ले बटन दाबा.
