नवी दिल्ली : केंद्रीय राखीव धान्य साठा बळकट करण्यासाठी, केंद्र सरकारने उत्तर प्रदेश, पंजाब, हरियाणा, मध्य प्रदेश आणि राजस्थान यांसारख्या मुख्य गहू उत्पादक राज्यांमधील शेतकऱ्यांची नोंदणी लवकर करण्याचे निर्देश दिले आहेत आणि एमएसपी अंमलबजावणीचे लक्ष्य निश्चित केले आहे.
‘फायनान्शिअल एक्स्प्रेस’मध्ये प्रसिद्ध झालेल्या बातमीनुसार, सूत्रांनी सांगितले की, भारतीय अन्न महामंडळ (FCI) आणि राज्य संस्थांकडून रब्बी विपणन हंगामासाठी (2024-25) शेतकऱ्यांकडून गव्हाची खरेदी अधिकृतपणे 1 एप्रिलपासून सुरू होत असली तरी राज्यांना पुढील महिन्यात MSP ऑपरेशन अंतर्गत तयारी सुरू करण्यास आणि खरेदी सुरू करण्यास सांगितले आहे.
FCI कडे असलेल्या गव्हाच्या साठ्याला चालना देण्याचे सरकारचे उद्दिष्ट आहे, जे किमती वाढीला आळा घालण्याच्या उद्देशाने खुल्या बाजारात आक्रमक विक्रीमुळे 1 एप्रिलपर्यंत 7.4 दशलक्ष टन (MT) च्या बफरच्या जवळ येण्याची शक्यता आहे. देशातील सर्वात मोठा गहू उत्पादक असलेल्या उत्तर प्रदेशला 1 मार्चपासून शेतकऱ्यांकडून खरेदी सुरू करण्याचे निर्देश देण्यात आले आहेत. तर मध्य प्रदेशला मार्च 15 पूर्वी एमएसपी खरेदी मोहीम सुरू करण्याचे आवाहन करण्यात आले आहे.
