तिरुअनंतपुरम – राज्याचा जीएसटी विभाग महसूल वाढविण्यासाठी आणि वाढीचे लक्ष्य गाठण्यासाठी अनेक प्रयत्न करीत असल्याची माहिती अर्थमंत्री थॉमस आयझॅक यांनी दिली. जीएसटी रिटर्न भरण्यात अपयशी ठरलेल्या 30 टक्के व्यापार्यांना नोटिसा बजावल्या गेल्या आहेत. व्यापार्यांनी नोटिसीमध्ये नमूद केलेली रक्कम न भरल्यास त्यांची जीएसटी नोंदणी रद्द केली जाईल, असे थॉमस आयझॅक यांनी सांगितले.
ते म्हणाले, ऑगस्ट-अखेरीस वार्षिक परतावा भरला की, जीएसटी विभाग त्यांच्या पुरवठादारांसह व्यापार्यांच्या आकडेवारीची उलट तपासणी करेल. या व्यवहारावर 1500 कोटी रुपये दंड अपेक्षित असल्याचे त्यांनी सांगितले. जे जीएसटी ची चोरी करतील त्यांच्यावर नजर ठेवली जाईल. तसेच कर, वाहने, उत्पादन शुल्क व नोंदणी विभागांची थकबाकी गोळा करण्यासाठी महसूल वसुलीची प्रक्रिया जलद करण्यासंदर्भात जिल्हाधिकार्यांना सूचना दिल्या आहेत, असेही ते म्हणाले.
मागील आरपीएफ मधील एजन्सी पुरेशा प्रमाणात रुग्णालये काढण्यात अपयशी ठरली. यापुढे सरकार विविध प्रक्रियांसाठी असणार्या दरांचे पुननिरिक्षण करुन पुन्हा निविदा मागवून घेईल. प्रीमियम वाढेल, परंतु सरकार आता अतिरिक्त खर्च सहन करणार नाही, असे त्यांनी सांगितले.
हि बातमी ऐकण्यासाठी इमेज खालील बटन दाबा.
