साओ पाउलो : ब्राझीलमध्ये एका नव्या हायब्रीड, फ्लेक्स-फ्युएल कॉम्पॅक्ट कार बनविण्यासाठी १.७ बिलियन रिस (३३७.६८ मिलियन डॉलर) ची गुंतवणूक केली जाईल, असे टोयाटो मोटर कॉर्पोरेशनने जाहीर केले आहे. यातून निर्मिती केलेले इलेक्ट्रिक इंजिनसह इथेनॉल आणि पेट्रोल अशा दोन्ही प्रकारावर चालेल. टोयाटो ब्राझीलमध्ये हायब्रीड फ्लेक्स कार सेगमेंटवर सर्वाधिक गुंतवणूक करीत आहे. येथे बहुसंख्य कार्स १०० टक्के इथेनॉलवर चालतील. टोयोटाने ही घोषणा फर्मचे स्थानिक प्रमुख राफेल चांग आणि साओ पाउलोचे गव्हर्नर तारकिसियो डी फ्रिटास यांच्या उपस्थितीत एका कार्यक्रमात करण्यात आली. गुंतवणुकीचा एक हिस्सा १ बिलियन रिस टॅक्स क्रेडिटमध्ये जाईल.
प्रतीस्पर्धी सँलेंटिस आणि वोक्सवॅगननेही जनरल मोटर्स आणि फोर्डच्या पुढे जावून तंत्रज्ञानात गुंतवणूक सुरू केली आहे. त्यातून पूर्णपणे इलेक्ट्रिक कार्सवर आपले लक्ष केंद्रीत केले आहे. चांग यांनी सांगितले की, टोयाटोचा ब्राझीलच्या बाजारावर विश्वास आहे. आणि ग्राहकांच्या गरजा पूर्ण करण्यासाठी तंत्रज्ञान आणि नवनव्या गोष्टींमध्ये गुंतवणूक करणे सुरूच राहील. हा एक स्थायी समाधान देणारा रोजगार आहे.तसेच यातून आर्थिक विकासाला चालना मिळते.
साओ पाउलो राज्य सरकारने एका निवेदनात म्हटले आहे की, कारचे नवे कॉम्पॅक्ट इंजिन टोयाटोचे पार्ट्स फेलिज प्लांटमध्ये तयार केले जातील. त्यामुळे जवळपास ७०० नोकऱ्यांची निर्मिती होईल अशी अपेक्षा आहे. कार ब्राझीलमध्ये २०२४ मध्ये लाँच केली जाईल आणि इतर २२ लॅटिन अमेरिकन देशात त्यांची विक्री केली जाईल.
