कीव : प्रतिकूल हवामानामुळे युक्रेनमधील बीट साखरेचे उत्पादन २०२३ मधील १.८ दशलक्ष मेट्रिक टनांवरून २०२४ मध्ये १.५५ दशलक्ष मेट्रिक टनांपर्यंत घसरण्याची शक्यता आहे, असे अॅग्रो पोर्टल कृषी वृत्तसंस्थेने मंगळवारी कार्यकारी कृषी मंत्र्यांच्या हवाल्याने म्हटले आहे. याबाबत, तारास व्यासोत्स्की म्हणाले की, या उन्हाळ्यात असामान्य उष्णतेचा साखर बीटच्या उत्पादनावर नकारात्मक परिणाम झाला. प्राथमिक अंदाजानुसार, युक्रेनमध्ये सरासरी साखर बीटचे उत्पादन प्रती हेक्टर ४६.५ टनांपर्यंत पोहोचू शकते, जे गेल्यावर्षीच्या तुलनेत सुमारे १२ टक्क्यांनी कमी आहे. याबाबत व्यासोत्स्की म्हणाले की, पेरणीचे क्षेत्र मोठे असूनही, साखर बीटचे उत्पादन २०२३ मधील १३.१ दशलक्ष टनांवरून यावर्षी ११.८ दशलक्ष टनांपर्यंत घटू शकते.
