ઉત્તર પ્રદેશની 120 ખાંડ મિલોને ઓક્સિજન પ્લાન્ટ શરુ કરવા અપીલ

108

લખનૌ: ઉત્તર પ્રદેશ સરકારે રાજ્યના પ્રત્યેક 75 જિલ્લાઓમાં દરેકમાં ઓક્સિજન જનરેટર લગાવવા માટે રાજ્યની 120 ખાંડ મિલોને સમર્થન આપવા અપીલ કરી છે. આ ઓક્સિજન જનરેટર વાતાવરણીય ઓક્સિજન મેળવે છે અને તેને ઉચ્ચ દબાણ દ્વારા મેડિકલ ગ્રેડ ઓક્સિજનમાં ફેરવશે અને આ જિલ્લાઓમાં કોમ્યુનિટી હેલ્થ સેન્ટર્સ (સીએચસી) ની પાઇપલાઇનમાં સીધા સપ્લાય કરશે.

ફાઇનાન્શિયલ એક્સપ્રેસ.કોમ માં પ્રકાશિત થયેલા સમાચાર મુજબ ઉત્તર પ્રદેશ શેરડી વિકાસ અને આબકારી સચિવ સંજય ભૂસેરેડ્ડીએ કહ્યું કે, દરેક શુગર મિલને ઓક્સિજન જનરેટર લગાવવા માટે કહેવામાં આવ્યું છે. જે 50 બેડની સીએચસી અથવા જિલ્લા હોસ્પિટલોમાં ઓક્સિજન પહોંચાડશે જ્યાં રાજ્યના તમામ 75 જિલ્લામાં કોવિડ દર્દીઓની સારવાર કરવામાં આવે છે.

તેમણે કહ્યું કે ભારતમાં ઓક્સિજન જનરેટર મશીનો ઉપલબ્ધ નથી, તેથી અમે તેમને આયાત કરવાનો પ્રયાસ કરી રહ્યા છીએ.આ સિવાય, આપણે પાવર બેકઅપ જેવા બીજા ઘણા મુદ્દાઓ પણ જોઈ રહ્યા છીએ. ઘણા સીએચસી પાસે પાવર બેક અપ નથી. અમે જિલ્લા મેજિસ્ટ્રેટ સાથે વાત કરી રહ્યા છીએ, જે અમને સીએચસી ની ઓળખ કરવામાં મદદ કરી રહ્યા છે. પ્રથમ તબક્કામાં, અમે દરેક જિલ્લામાં એક સીએચસીને લક્ષ્યાંક આપી રહ્યા છીએ અને બીજા તબક્કામાં, અમે તેને દરેક જિલ્લાની બે હોસ્પિટલોમાં વિસ્તૃત કરીશું. રાજ્યમાં 120 શુગર મિલો હોવાથી અમે 120 ઓક્સિજન પ્લાન્ટ લગાવવાનું વિચારી રહ્યા છીએ.

ભુસેરેડ્ડીએ જણાવ્યું હતું કે, એકમાત્ર જરૂરિયાત એ છે કે સીએચસી અથવા જિલ્લા હોસ્પિટલમાં જગ્યાએ ઓક્સિજન પાઇપલાઇન લગાવેલી હોવી જોઈએ, કારણ કે ત્યાં સિલિન્ડરોની અછત છે. ઓક્સિજન જનરેટર્સ દ્વારા ઉત્પન્ન કરાયેલ ઓક્સિજન આ હોસ્પિટલોની પાઇપલાઇનથી સીધા સપ્લાય કરવામાં આવશે.

LEAVE A REPLY

Please enter your comment!
Please enter your name here