मुंबई : द्वारिकेश शुगर इंडस्ट्रीज लिमिटेडने बरेली जिल्ह्यातील आपल्या द्वारिकेश-धाम (फरीदपुर) युनिटमधील आपली १७५ किलो लिटर प्रती दिन (KL per day/KLPD) डिस्टिलरी सुरू करण्यात आल्याची घोषणा केली आहे. नियामकांकडे कंपनीने केलेल्या फायलिंगनुसार, हा प्लांट २४ जून २०२२ रोजी सुरू करण्यात आला. आणि इथेनॉल उत्पादनासाठी ऊसाचा रस (सिरप), बी हेवी मोलॅसीसचा वापर फिडस्टॉकच्या रुपात केला जाणार आहे. निर्धारीत वेळेत कार्यान्वीत केले जात आहे. डिस्टिलरीची स्थापना द्वारिकेश शुगर मिलच्या इतिहासात मैलाचा दगड मानला जात आहे. कारण कंपनीची डिस्टिलरी क्षमता आता वाढून ३३७.५ किलो लिटर प्रती दिन झाली आहे. परिणामी कंपनीच्या महसुलाच्या प्रवाहाचे पुनर्मूल्यांकन होईल.
ही डिस्टिलरी अत्याधुनिक तंत्रज्ञानावर आधारित आहे. त्यामुळे शून्य तरल निर्वहन होईल. प्लांट पूर्णपणे कठोर प्रदूषण उत्सर्जन मानकांचे पालन करेल. ही डिस्टिलरी सुरू झाल्यानंतर कंपनीने पर्यावरण संरक्षण आणि २०२५ पर्यंत २० टक्के इथेनॉल मिश्रणाच्या केंद्र सरकारच्या उद्दिष्टांच्या दिशेने एक निर्णायक पाऊल उचलल्याचे मानले जात आहे.
