मनिला : फिलिपाइन्समध्ये ९ जुलैपर्यंत रिफाईंड साखरेच्या सध्याच्या दरात गेल्यावर्षीच्या स्तराच्या तुलनेत जवळपास २५ टक्के वाढ झाली आहे, असे शुगर नियामक प्रशासनाच्या (एसआरए) वतीने उपलब्ध आकडेवारीनुसार दिसून येत आहे. एसआरएने देशातील साखरेचा पुरवठा आणि मागणी या स्थितीबाबतच्या आपल्या अहवालात म्हटले आहे की, साखरेचा सध्याचा विक्री दर P१०५ प्रती किलोपर्यंत पोहोचला आहे. एक वर्षापूर्वी असलेल्या P८४.५० प्रती किलो दरापेक्षा हा दर २४.२६ टक्के जादा आहे.
एसआरएकडील आकडेवारीनुसार दिसून येते की, कच्च्या आणि रिफाईंड साखरेचे सध्याचे दर अनुक्रमे ३५.९४ टक्के आणि ३४.८५ टक्क्यांनी वाढून P८७ आणि P८९ प्रती किलो झाले आहेत. त्या उलट रिफाईंड साखरेचा घाऊक दर १.२ टक्क्यांनी घटून P४,१०० प्रती ५० किलो पोते झाली आहे. एक वर्षापूर्वी हा दर P४,१५० प्रती ५० किलो पोते होता. मात्र, या कालावधीत कच्च्या आणि रिफाईंड साखरेचा घाऊक दर अधिक होता. कच्च्या साखरेचा दर P३,६५० प्रती किलो होता. तर रिफाईंड साखर P३,८०० प्रती किलो दराने विकली गेली होती.
