महराजगंज : इंडियन पोटॅश लिमिटेडच्या सिसवा साखर कारखान्याने चालू हंगामात ३ मार्चपर्यंत खरेदी केलेल्या उसापोटी ६९.३२ कोटी रुपयांची बिले अदा केली आहे. साखर कारखान्याच्या ऊस विभागाचे व्यवस्थापक कर्मवीर सिंह यांनी सांगितले की, कारखाना प्रशासनाने २१ फेब्रुवारी ते ३ मार्च या कालावधीत खरेदी केलेल्या उसाचे ७ कोटी ९५ लाख रुपयेही दिले आहेत.
लाईव्ह हिंदूस्थानमध्ये प्रकाशित वृत्तानुसार, सिसवा साखर कारखान्याने चालू हंगामात आतापर्यंत खरेदी केलेल्या उसाची एकूण ६९.३२ कोटी रुपयांची बिले समित्यांकडे जमा केली आहे. शेतकऱ्यांनी साखर कारखान्याला साफ, स्वच्छ व ताजा ऊस पाठवावा असे आवाहन व्यवस्थापक कर्मवीर सिंह यांनी केले. जर एखाद्या शेतकऱ्याकडे नोंदणीपेक्षा अतिरिक्त ऊस उपलब्ध असेल तर त्यांनी संबंधीत ऊस विकास परिषदेत त्याची माहिती द्यावी. तरच वेळेवर तोडणी पावती अदा करता येईल, असे त्यांनी सांगितले.
